Alert : Javascript is disabled. To View this Website, Please Enable Your Browser's Javascript...

ଯାତାୟାତ ସାନ୍ଧ୍ରତା , ପରିବାହନକାରୀ ଯାନର ଚଳାଚଳ ପାଇଁ ଆବଶ୍ୟକୀୟ ଚଉଡା ରାସ୍ତା , ପଥପାର୍ଶ୍ଵ ଅବସ୍ଥାକୁ ବିଚାରକୁ ନେଇ ଓଡିଶା ପୂର୍ତ୍ତ ବିଭାଗ 1995 – 1997 ମସିହାରେ ରାଜ୍ୟ ସଡକ ପଥର ବିକାଶ ପାଇଁ 4600 କି. ମି. ସଡକ ପଥରୁ 2347 କି.ମି. ଚିହ୍ନଟ କରି , ଲକ୍ଷ୍ୟ ସାଧନ ପାଇଁ ଏକ କୌଶଳପୂର୍ଣ୍ଣ ଅନୁଧ୍ୟାନ କରିଥିଲେ ।

ଓଡିଶା ସରକାର ଏକ ପ୍ରକଳ୍ପ ସମନ୍ଵୟ ପରାମର୍ଶ ସଂସ୍ଥା ସହ , 2347 କି.ମି. ରାସ୍ତାର ସମ୍ଭାବ୍ୟ ରୂପାୟନ ସହ ଚୁକ୍ତି କରିଥିଲେ । 2347 କି.ମି. ରାସ୍ତାର 700 କି.ମି. ସଡକ ପଥ ଦୁଇ ଦଫାରେ ଚିହ୍ନଟ କରାଯାଇ ଏହାର ବୈଷୟିକ – ଆର୍ଥିକ ମାନ ବିଶ୍ଵ ବ୍ୟାଙ୍କର ସର୍ତ୍ତ ଅନୁସାରେ ନିରୂପିତ ହୋଇଥିଲା । ପ୍ରକଳ୍ପ ସମନ୍ଵୟ ପରାମର୍ଶଦାତାମାନେ ସମାଜ ଓ ପରିବେଶକୁ ଆଖି ଆଗରେ ରଖି ଏହି ସଡକର ମଜବୁତିକରଣ ଓ ସମ୍ପ୍ରସାରଣ ନିମନ୍ତେ 198 କି.ମି. ଦୈର୍ଘ୍ୟ ବିଶିଷ୍ଟ ଏକ ପଙ୍ଖାନୁପୁଙ୍ଖ ଯାନ୍ତ୍ରିକ – ପରିକଳ୍ପନା ପ୍ରସ୍ତୁତ କଲେ , ଯାହା ଜାତୀୟ ରାଜପଥ (ଜାତୀୟ ରାଜପଥ -224) ରୂପେ ଘୋଷିତ ହେଲା । ଆର୍ଥିକ – ବୈଷୟିକ ଅନୁଧ୍ୟାନର ଫଳାଫଳ ଭିତ୍ତିରେ 1200 କି.ମି. ସଡକକୁ ଅଗ୍ରାଧିକାର ଭିତ୍ତିରେ 4 ବର୍ଷ ପାଇଁ ରକ୍ଷଣାବେକ୍ଷଣ କାର୍ଯ୍ୟକ୍ରମର ବ୍ୟବସ୍ଥା କରାଗଲା । କିନ୍ତୁ ରାଜ୍ୟର ତତ୍କାଳୀନ ରୁଗଣ ଆର୍ଥିକ ଅବସ୍ଥା ଯୋଗୁଁ ପ୍ରକଳ୍ପ କାର୍ଯ୍ୟକାରୀ ହୋଇପାରି ନ ଥିଲା । ଯାହା ହେଉନା କାହିଁକି ଓଡିଶା ସରକାର 700 କି.ମି. ରାସ୍ତାର ଉନ୍ନତି ବିଭିନ୍ନ ପ୍ରକଳ୍ପ ମାଧ୍ୟମରେ କରାଇଲେ । ରାଜ୍ୟର ଅର୍ଥନୈତିକ ଅଭିବୃଦ୍ଧିକୁ ତ୍ୱରାନ୍ୱିତ କରିବା , ପ୍ରଭୂତ ଖଣିଜ ସମ୍ପଦ ଶିଳ୍ପ , ପର୍ଯ୍ୟଟନ ଓ ବନ୍ଦରର ବିକାଶ ନିମନ୍ତେ ଓଡିଶା ରାଜ୍ୟର ପ୍ରଧାନ ସଡକ ପଥଗୁଡିକର ଦୋହରୀକରଣ , ପ୍ରଶସ୍ତିକରଣ ଓ ଉନ୍ନତିକରଣ କରିବା ପୂର୍ତ୍ତ ବିଭାଗର ଉଦ୍ଦେଶ୍ୟ । ପ୍ରଚୁର ପୁଞ୍ଜି ଅଭିନିବେଶ ଆବଶ୍ୟକ ହେତୁ ସରକାର ପ୍ରଥମ ପର୍ଯ୍ୟାୟରେ 825 କି.ମି. ସଡକ ପଥ ନିର୍ମାଣ ପାଇଁ 5 ବର୍ଷ ଭିତରେ ବିଶ୍ଵବ୍ୟାଙ୍କରୁ 250 ଲକ୍ଷ ଆମେରିକୀୟ ଡଲାର ଋଣ କରିବା ପାଇଁ ଯୋଜନା କରିଛନ୍ତି ।

ପ୍ରଥମ ପର୍ଯ୍ୟାୟ ଅନ୍ତର୍ଭୁକ୍ତ 825 କି.ମି. ରାସ୍ତାର ଟିକିନିଖି ପ୍ରକଳ୍ପ – ରିପୋର୍ଟ ପ୍ରସ୍ତୁତ କରିବା ପାଇଁ ସି.ଇ.ଜି. ଲିମିଟେଡକୁ ପରାମର୍ଶଭିତ୍ତିକ ସେବା ଦେବା ପାଇଁ ନିୟୋଜିତ କରାଯାଇଛି । 3700 କି.ମି. ଦୂରତା ବିଶିଷ୍ଟ ଉକ୍ତ ରାଜ୍ୟ ରାଜପଥ ଏହି ପ୍ରକଳ୍ପର ଅନ୍ତର୍ଭୁକ୍ତ । 1600 କି.ମି. ରାସ୍ତାର ସମ୍ଭାବ୍ୟ – ନିର୍ମାଣ , ଆର୍ଥିକ – ବୈଷୟିକ ଦୃଷ୍ଟି କୋଣରୁ ପରବର୍ତ୍ତୀ ପର୍ଯ୍ୟାୟମାନଙ୍କରେ ଅନୁଧ୍ୟାନ କରାଯିବ । ପରାମର୍ଶଭିତ୍ତିକ ସେବା 6 ଡିସେମ୍ବର 2005ରୁ ଆରମ୍ଭ ହୋଇ ଜାନୁଆରୀ 2008ରେ ଶେଷ ହୋଇଛି ।

ପ୍ରକଳ୍ପ ସଡକପଥଗୁଡିକ ଓଡିଶାରେ ଅବସ୍ଥିତ । ପ୍ରକଳ୍ପ ସଡକପଥ 14ଟି ଜିଲ୍ଲାରେ ପରିବ୍ୟାପ୍ତ ଏବଂ ଜନ ସାଧାରଣ , ବାଣିଜ୍ୟକ ପରିବହନ ଦୃଷ୍ଟିରୁ ଗୁରୁତ୍ଵପୂର୍ଣ୍ଣ ସନଯୋଗକାରୀ ଅଟେ । ପ୍ରକଳ୍ପ ସଡକଗୁଡିକ 5ଟି ଶାଖା ସଡକରେ ବିଭାଜିତ ଏବଂ ଏହାର ସମୁଦାୟ ଦୈର୍ଘ୍ୟ 832 କି.ମି. / ପ୍ରକଳ୍ପର ସଂଯୋଗୀ ସଡକ ତାଲିକା ନିମ୍ନ ସାରଣୀରେ ଦ୍ରଷ୍ଟବ୍ୟ । ଏଥି ସହିତ ସଡକର ନାମ ଓ ଦୂରତ୍ଵ ଦର୍ଶାଯାଇଛି । ପ୍ରକଳ୍ପ ସଡକଗୁଡିକରେ ପୂର୍ବସ୍ଥିତ ରାଜ୍ୟ ରାଜପଥ ଓ ଏମ.ଡି.ଆର. ସଡକ ଅନ୍ତର୍ଭୁକ୍ତ ।

ସରକାରୀ ଓ ବେସରକାରୀ ଭାଗିଦାରୀ ଉଦ୍ୟମରେ ନିମ୍ନଲିଖିତ ସଡକର ବିକାଶ ନିମନ୍ତେ ଆବଶ୍ୟକୀୟ ଆର୍ଥିକ – ବୈଷୟିକ ସମ୍ଭାବ୍ୟ ଆର୍ଥିକ ପରାମର୍ଶ ପାଇଁ ଓଡିଶା ସରକାର ପ୍ରାଇସ ୱାଟର ହାଉସ କୁପର ପ୍ରାଇଭେଟ ଲିମିଟେଡ ଓ ଲିଃ. ଆସୋସିଏଟସ ସାଉଥ ଏସିଆ ପ୍ରା.ଲିଃ କୁ ନିୟାଜିତ କରିଛନ୍ତି । .