Alert : Javascript is disabled. To View this Website, Please Enable Your Browser's Javascript...

ସାଧାରଣ ଉଦ୍ଦେଶ୍ୟରେ ବ୍ୟବହାର କରାଯାଉଥିବା ଯେ କୌଣସି ଜମି ସ୍ଥିର କରିବାର ଉଦ୍ଦେଶ୍ୟ ହେଉଛି , ରାଜ୍ୟ ସରକାରଙ୍କର ପୂର୍ତ୍ତ ବିଭାଗ ଅଧୀନରେ ଥିବା ଅଧିକାରୀ କିମ୍ବା ରାଜ୍ୟ ସରକାରଙ୍କର ସ୍ଵୀକୃତିପ୍ରାପ୍ତ ଯେ କୌଣସି ଅଧିକାରୀ ନିମ୍ନାମତେ କାମ କରିବେ :

• ମାମଲା ଭିତରକୁ ଯାଇ ସର୍ବେକ୍ଷଣ ସଞ୍ଚାଳନ କରିବେ ।
• ଜମିର ସ୍ତରକୁ ବିଚାରକୁ ନେବେ । ସେହି ସ୍ତରକୁ ଚିହ୍ନଟ କରିବେ। ଯଦି କିଛି ଶସ୍ୟ , ବୁଦା କିମ୍ବା ବାଡ ଥାଏ , ତାକୁ କାଟି ସଫା କରେଇବେ ।
• ଏହି ଉଦ୍ଦେଶ୍ୟରେ ଜମି ଉପଯୁକ୍ତ କି ନୁହେଁ ତାକୁ ସ୍ଥିର କରିବେ ।

ଯେତେବେଳେ ଉପଯୁକ୍ତ ସରକାରୀ ଅଧିକାରୀ ଦେଖନ୍ତି ଯେ ଏହି ଜମି ସାଧାରଣ ଉଦ୍ଦେଶ୍ୟରେ ଆବଶ୍ୟକ , ସେହି ହିସାବରେ ଗୋଟିଏ ଅଧିସୂଚନା ଭୂ ଅର୍ଜନ ଅଧିନିୟମ , 1894 ଧାରା 4(I ) ଅନୁଯାୟୀ ( ଯାହାକି 1984ରେ ସଂଶୋଧିତ ହୋଇଥିଲା ) ନିର୍ଗମନ କରାଯିବ । ଏହି ଅଧିସୂଚନା ଦୁଇଟି ଆଞ୍ଚଳିଇକ ସମ୍ବାଦପତ୍ରରେ ମଧ୍ୟ ପ୍ରକାଶିତ ହେବ । ତନ୍ମଧ୍ୟରୁ ଗୋଟିଏ ଆଞ୍ଚଳିକ ଭାଷାରେ ହୋଇଥିବା ଆବଶ୍ୟକ । ଏହା ସହିତ ଜିଲ୍ଲାପାଳ ମଧ୍ୟ ସେହି ଅଞ୍ଚଳର ଗୋଟିଏ ସରବରଜନ ସମ୍ମତ ଜାଗାରେ ଏହି ଅଧିସୂଚନାକୁ ସର୍ବସାଧାରଣଙ୍କ ନିମନ୍ତେ ପ୍ରଦର୍ଶିତ କରେଇବେ । ଏହି ଅଧିସୂଚନା ପ୍ରକାଶ ତାରିଖକୁ ଅଧିସୂଚନାର ତାରିଖ ବୋଲି ଗ୍ରହଣ କରାଯାଏ ।

ରାଜ୍ୟ ସରକାରଙ୍କର ପୂର୍ତ୍ତ ବିଭାଗରେ ଥିବା ଅଧିକାରୀ କିମ୍ବା ରାଜ୍ୟ ସରକାରଙ୍କ ସ୍ଵୀକୃତି ପ୍ରାପ୍ତ ଯେ କୌଣସି ଅଧିକାରୀଙ୍କ ଦ୍ଵାରା ଏହା ନିୟମଭୁକ୍ତ ଅଟେ ଯେ :

• ମାମଲା ଭିତରକୁ ଯିବେ, ସର୍ବେକ୍ଷଣ କରିବେ ଓ ଜମିର ସ୍ତର ନିର୍ଦ୍ଧାରଣ କରିବେ ।
• ଜମିକୁ ଖୋଳିବେ କିମ୍ବା ଗାତ ପ୍ରସ୍ତୁତ କରିବେ ।
• ପ୍ରସ୍ତାବିତ ଅଧିକୃତ ଜମିରେ ପାଚେରୀ ନିର୍ମାଣ କରିବେ ।
• ଜମି ଚିହ୍ନଟ କରି ଏବଂ ବାଡକୁ କାଟି ଦେଇ ସ୍ତର ନିର୍ଦ୍ଧାରଣ କରିବେ ଓ ପାଚେରୀ ନିର୍ମାଣ କରିବେ ।

ଧାରା ୪ (1) ଅଧୀନରେ ଅନ୍ତର୍ଭୁକ୍ତ ଜମି ପ୍ରତି ଆଗ୍ରହୀ ଯେ କୌଣସି ବ୍ୟକ୍ତି ଅଧିସୂଚନା ପ୍ରକାଶ ହେବାର ଏକ ମାସ ମଧ୍ୟରେ ଧାରା 5(1) ଅନୁଯାୟୀ ଅଭିଯୋଗ ଦାଖଲ କରିପାରିବେ । ଏହି ଅଭିଯୋଗ ଲିଖିତ ଭାବରେ ଜିଲ୍ଲାପାଳଙ୍କୁ ଦିଆଯିବ । ଅଭିଯୋଗକାରୀ ସ୍ଵୟଂ କିମ୍ବା ତାଙ୍କର ପ୍ରାଧୀକୃତ ବ୍ୟକ୍ତି ତାର ମାମଲାକୁ ଉପସ୍ଥାପନା କରିବା ପାଇଁ ସୁଯୋଗ ପାଇବେ । ଅଭିଯୋଗ ଶୁଣାଣି ପରେ ଏବଂ ତଦନ୍ତ ପରେ ଯଦି ଆବଶ୍ୟକ ମନେ କରନ୍ତି, ତେବେ ଜିଲ୍ଲାପାଳ ଧାରା 5(2) ଅନୁଯାୟୀ ସମ୍ପୃକ୍ତ ସରକାରୀ ଅଧିକାରୀଙ୍କୁ ପ୍ରକ୍ରିୟାର ନଥି ସହ ଏକ ବିବୃତି ପ୍ରଦାନ କରିବେ । ସମ୍ପୃକ୍ତ ସରକାରୀ ଅଧିକାରୀଙ୍କର ନିଷ୍ପତ୍ତି ହିଁ ଚୁଡାନ୍ତ ।  

ଜିଲ୍ଲାପାଳଙ୍କ ଦ୍ଵାରା ଧାରା 5(2) ପ୍ରଦତ୍ତ ବିବୃତିକୁ ଆଧାର କରି ଯଦି ସରକାରଙ୍କର ସନ୍ତୋଷଜନକ ହୃଦବୋଧ ହୁଏ ଯେ ସାଧାରଣ ଉଦ୍ଦେଶ୍ୟରେ ଆବଶ୍ୟକ ସେହି ଜମିକୁ ଧାରା 6(1) ରେ ସରକାରୀ ଗେଜେଟରେ ନିର୍ଗମନ କରାଯାଏ । ଏହି ଅଧିସୂଚନା ଦୁଇଟି ଆଞ୍ଚଳିକ ସମ୍ବାଦପତ୍ରରେ ମଧ୍ୟ ପ୍ରକାଶିତ ହେବ । ତନ୍ମଧ୍ୟରୁ ଗୋଟିଏ ଆଞ୍ଚଳିକ ଭାଷାରେ ହୋଇଥିବା ଆବଶ୍ୟକ । ଏହା ସହିତ ଜିଲ୍ଲାପାଳ ମଧ୍ୟ ସେହି ଅଞ୍ଚଳର ଗୋଟିଏ ସର୍ବଜନ ସମ୍ମତ ଜାଗାରେ ଏହି ଅଧିସୂଚନାକୁ ସର୍ବସାଧାରଣଙ୍କ ନିମନ୍ତେ ପ୍ରଦର୍ଶିତ କରେଇବେ । ଏହି ଘୋଷଣାରେ ସରକାରଙ୍କ ସମ୍ପୃକ୍ତ ସଚିବଙ୍କ ସ୍ଵାକ୍ଷର ଥିବା କିମ୍ବା ସେହି ଆଦେଶକୁ ପ୍ରମାଣିକୃତ କରିବା ପାଇଁ ଯେ କୌଣସି ଅଧିକାରୀ ପ୍ରାଧିକୃତ ହୋଇଥିବା ଆବଶ୍ୟକ । ଧାରା 4(1) ରେ ବିଭିନ୍ନ ଜମି ପାଇଁ ଭିନ୍ନ ଭିନ୍ନ ଘୋଷଣା ହେବା ଆବଶ୍ୟକ ।

ଧାରା 4(1) ରେ ଘୋଷିତ ଅଧିସୂଚନାର 1 ବର୍ଷ ଅବଧି ପରେ ସାଧାରଣ ଉଦ୍ଦେଶ୍ୟରେ ଆବଶ୍ୟକ କୌଣସି ଜମି ଘୋଷିତ ହୋଇପାରିବ ନାହିଁ  ।

ଯେତେବେଳେ ବି ଧାରା 6(1) ଅନୁଯାୟୀ ଜମିକୁ ସାଧାରଣ ଉଦ୍ଦେଶ୍ୟରେ ଘୋଷଣା କରାଯିବ , ଉପଯୁକ୍ତ ସରକାର କିମ୍ବା ସରକାରଙ୍କ ତରଫରୁ ଯେ କୌଣସି ଅଧିକାରୀ ଜିଲ୍ଲାପାଳଙ୍କୁ ଜମି ଅଧିଗ୍ରହଣ କରିବା ନିମନ୍ତେ ଆଦେଶ ଦେଇ ପାରିବେ ।

ଯଦି କୌଣସି ଜମି ଧାରା 4 ଅନୁଯାୟୀ ଚିହ୍ନଟ ହୋଇ ନାହିଁ କିମ୍ବା ମାପ କରାଯାଇ ନାହିଁ , ତେବେ ଜିଲ୍ଲାପାଳ ସେହି ଜମିକୁ ଚିହ୍ନଟ ଓ ମାପ କରେଇ ପାରିବେ ।

ଜିଲ୍ଲାପାଳ ଧାରା 9(1)ରେ ଏକ ବିଜ୍ଞପ୍ତି ପ୍ରକାଶ କରିବେ , ଯାହାକି ସର୍ବସାଧାରଣ ଜାଗାରେ କିମ୍ବା ସରକାର ନିଜ ଅଧୀନକୁ ନେବା ପାଇଁ ଚାହୁଁଥିବା ଜମି ପାଖରେ ପ୍ରଦର୍ଶିତ କରେଇବେ ଏବଂ ଏହା ଦ୍ଵାରା ସମ୍ପୃକ୍ତ ବ୍ୟକ୍ତି କ୍ଷତିପୂରଣ ଓ ଅନ୍ୟାନ୍ୟ ଲାଭ ଦାବୀ କରିପାରିବେ ।

ଏହି ବିଜ୍ଞପ୍ତିରେ ଆବଶ୍ୟକୀୟ ଜମିର ବିବରଣୀ ଥିବ ଏବଂ ସମ୍ପୃକ୍ତ ବ୍ୟକ୍ତି କିମ୍ବା ତାର ପ୍ରାଧିକୃତ ବ୍ୟକ୍ତି ଜିଲ୍ଲାପାଳଙ୍କ ସମ୍ମୁଖରେ ହାଜର ହେବାର ସମୟ ଓ ସ୍ଥାନ ଏବଂ ଜମି ସଂକ୍ରାନ୍ତୀୟ କ୍ଷତିପୂରଣ ଏବଂ ଅନ୍ୟାନ୍ୟ ଦାବୀ ଉଲ୍ଲିଖିତ ଥିବା ଏହି ଶୁଣାଣି ତାରିଖ ବିଜ୍ଞପ୍ତି ପ୍ରକାଶର 15 ଦିନ ପୂର୍ବରୁ ଦିଆଯାଇ ପାରିବ ନାହିଁ ।

ଧାରା 9(3)ରେ ଜିଲ୍ଲାପାଳ ସେହି ସମସ୍ତ ବ୍ୟକ୍ତିମାନଙ୍କୁ ବିଜ୍ଞପ୍ତି ଦେବେ , ଯେଉଁମାନେକି ଏହି ସମ୍ପତ୍ତି ପ୍ରତି ଆଶାୟୀ ଅଟନ୍ତି ।

ଯଦି ସମ୍ପୃକ୍ତ ବ୍ୟକ୍ତି ଅନ୍ୟ କୌଣସି ଜାଗାରେ ବାସ କରୁଥାଏ ଏବଂ ତାର କୌଣସି ପ୍ରାଧିକୃତ ବ୍ୟକ୍ତି ନ ଥାନ୍ତି , ତେବେ ତାର ଜଣା ଥିବା ଶେଷ ଠିକଣାକୁ ରେଜିଷ୍ଟ୍ରି ଡାକ (ଭାରତୀୟ ଡାକ ଅଧିନିୟମ 1898ର  ଧାରା 28 ଓ 29 ଅନୁଯାୟୀ )ରେ ବିଜ୍ଞପ୍ତି ପଠାଯିବ ।

ଜମି ଉପରେ ଅଧିକାର ଗ୍ରହଣ କରିବାକୁ ଇଚ୍ଛୁକ ଥିବା ବ୍ୟକ୍ତିମାନଙ୍କର ନାମ , ସହ- ସ୍ଵତ୍ଵାଧିକାରୀ , ବନ୍ଧକୀ, ଭଡାଟିଆ ଏବଂ ସେହି ଆଶାୟୀମାନଙ୍କର ପ୍ରକାର ଓ ସେହି ସମ୍ପତ୍ତିରୁ ପ୍ରାପ୍ତ ଭଡା ଓ ଲାଭର ଏକ ବେବରଣୀ ପ୍ରସ୍ତୁତ କରିବା ପାଇଁ ଜିଲ୍ଲାପାଳ ଯେ କୌଣସି ବ୍ୟକ୍ତିଙ୍କୁ ନିର୍ଦ୍ଦେଶ ଦେଇ ପାରିବେ ।

ଜିଲ୍ଲାପାଳ ଧାରା 9 ଅନୁଯାୟୀ ଆପତ୍ତିର ତଦନ୍ତ କରିପାରିବେ , ଧାରା 8 ଅନୁଯାୟୀ ଜମିର ମାପ ଏବଂ ଧାରା 4(1) ଅନୁଯାୟୀ ବିଜ୍ଞପ୍ତି ପ୍ରକାଶ ଦିନ ଜମିର ମୂଲ୍ୟ ନିର୍ଦ୍ଧାରଣ କରି ପାରିବେ ଓ ନିମ୍ନୋକ୍ତ ମତେ ପ୍ରଦାନ କରିପାରିବେ :

• ଜମିର ପ୍ରକୃତ କ୍ଷେତ୍ର
• ଜମି ପାଇଁ କ୍ଷତିପୂରଣ
• କ୍ଷତିପୂରଣର ବିଭାଜନ

ଏହି କ୍ଷତିପୂରଣ ଉପଯୁକ୍ତ ସରକାରୀ ଅଧିକାରୀ କିମ୍ବା ସରକାରଙ୍କ ଦ୍ଵାରା ନିଯୁକ୍ତି ଅନ୍ୟ ଯେ କୌଣସି ଅଧିକାରୀଙ୍କ ଦ୍ଵାରା ପୂର୍ବରୁ ସହମତି ନିଆଯାଇଥାଏ ।

ଜିଲ୍ଲାପାଳ , ଧାରା 11 ଅନୁଯାୟୀ ଘୋଷଣା ପ୍ରକାଶିତ ହେବାର 2 ବର୍ଷ ମଧ୍ୟରେ ଅଧିନିର୍ଣ୍ଣିୟ ପ୍ରଦାନ କରି ପାରିବେ । ଯଦି ଏହି ଅଧିନିର୍ଣ୍ଣିୟ ଘୋଷଣା ପ୍ରକାଶିତ ହେବାର 2 ବର୍ଷ ମଧ୍ୟରେ ନ ହୁଏ , ତେବେ ସମଗ୍ର କାର୍ଯ୍ୟ ବିଧି ଆସିଦ୍ଧ ହୋଇଯିବ । ଅବଶ୍ୟ ଯଦି ନ୍ୟାୟାଳୟ ଦ୍ଵାରା ସ୍ଥଗିତ ହୋଇଥାଏ , ତେବେ ସେହି ସମୟସୀମା ଏହି ସମୟ ଅବଧିର ଅନ୍ତର୍ଭୁକ୍ତ ହେବ ନାହିଁ ।

ଯଦି ଜିଲ୍ଲାପାଳ ଉଚିତ ମନେ କରନ୍ତି , ତେବେ କିଛି ଦିନ ପାଇଁ ତଦନ୍ତକୁ ମୁଲତବୀ ରଖି ପାରିବେ । କିରାଣୀୟ ତୃଟିକୁ ସେ ଅଧିନିର୍ଣ୍ଣୟ ଘୋଷଣା ଛଅ ମାସ ଭିତରେ ଯେ କୌଣସି ଦିନ ସଜାଡି ପାରିବେ ଏବଂ ନ୍ୟାୟାଳୟର  ଆଦେଶନାମା ଅନୁଯାୟୀ ମଧ୍ୟ ଠିକ୍ କରିପାରିବେ ।

ଅଧିନିର୍ଣ୍ଣୟ ଶେଷ ହୋଇ ପରେ ଧାରା 16ରେ ଜମି ଅଧିଗ୍ରହଣ ଅଧିକାରୀଙ୍କୁ ଜମି ଅଧିଗ୍ରହଣ କରିବା ପାଇଁ ଏବଂ ପ୍ରକଳ୍ପିତ ପ୍ରକଳ୍ପକୁ ହସ୍ତାନ୍ତର କରିବା ପାଇଁ କ୍ଷମତା ପ୍ରଦାନ କରାଯିବ ।

ଓଡିଶା ସରକାର ଜମି ଅଧିଗ୍ରହଣ କରିବା ପାଇଁ ଜାତୀୟ ଭୂମି ଅଧିଗ୍ରହଣ ଅଧିନିୟମ 1894/1984କୁ ଅନୁସରଣ କରୁଛି ଏବଂ ସମୟ ସମୟରେ ଓଡିଶା ସରକାରଙ୍କୁ ଆବଶ୍ୟକୀୟ ସଂଶୋଧନ ପାଇଁ ନିମ୍ନମତେ ଦରଖାସ୍ତ କରୁଛି ।

•  ଜମି ଅଧିଗ୍ରହଣ ( ଓଡିଶା ସଂଶୋଧନ ) ଅଧିନିୟମ 1984
• ଜମି ଅଧିଗ୍ରହଣ (ଓଡିଶା ସଂଶୋଧନ ଓ ବୈଧୀକରଣ ) ଅଧିନିୟମ 1959

ଉପରୋକ୍ତ ଅଧିନିୟମଗୁଡିକ ଜମି ଅଧିଗ୍ରହଣ ଧାରାରେ ଉପଯୁକ୍ତ ଅଧିକାରୀମାନଙ୍କର ନାମ ପ୍ରଦାନ କରି ସରଳୀକରଣ କରିଦେଇଛି ଏବଂ କ୍ଷତି ହୋଇଥିବା ଲୋକଙ୍କର ସ୍ୱାର୍ଥକୁ ଜଗୁଆଳ ହୋଇଛି ।